Dint ‘a ciascuno ‘e nuje ce sta nu borgo,
nu posto fatto ‘e vicoli e suspiri,
lampiuni rutti, zoccole e vampiri,
e desideri chiusi ‘int a ‘n ingorgo.
Nu borgo co ‘e lenzole spase a ‘o sole,
scugnizzi ca pazzeano a pallone,
guagliuni ca fitteano ‘e guaglione,
silenzi ca nu cercano parole.
Dint ‘a nu borgo tu ce truovi tutto:
dimenticanza affianco alla memoria,
lacreme ‘e chianti e lacreme di gioia,
bellezza pure addò tutto è distrutto.
Ma i borghi oggi ‘e vonno cancellà,
‘o munno cagna e cagnano i suspiri.
Sulo l’ultimo d' 'i tanti deliri
C’ ‘anno chiammato “La Modernità”.
Ma nun vedite quanto è assaje moderno
‘o borgo che sta dint e fora a nuje?
Chello ca è nuostro, nuje v’ ‘o damme a vuje,
e ‘o Munno intero se fa borgo eterno.
Nessun commento:
Posta un commento